Nas xornadas de Andar o Mar tomamos contacto con xente moi preocupada ca conservación do patrimonio marítimo, e pensamos que sería mui interesante intentar construir unha lancha do xeito que foi a embarcación mais emblemática da nosa zona, usada durante muitos anos na pesca da sardiña.
Así que puxemonos mans a obra, e un ano despois de todo esto, votamos o mar en Cabo da Cruz ( Boiro) esta marabilla de barco que tendes aquí o lado.
Dentro desta nova dinamica mariñeira na que entrou a asociación afiliámonos a federación galega pola cultura marítima e fluvial, sendo ahora un total de cuarenta e duas asociacións as que estamos pelexando para que o noso patrimonio non se perda..Tanto a nivel de embarcacións como de que as institucións tomen conciencia da gran riqueza cultural que temos arredor de este noso mar que tanta fame nos matou.
